E Hënë, 18 Mars 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Mirë se vjen në eurozonë, Lituani!

lithuania-joined-eurozone-inflationLituania ka festuar Vitin e Ri duke iu bashkuar eurozonës. Vendimi është parë si një mundësi e vendit për të rritur stabilitetin, pavarësisht nga frika e inflacionit dhe problemet e borxhit të zonës euro. Republika e parë sovjetike që deklaroi pavarësinë në vitin 1990, Lituania, është e fundit nga tre shtetet baltike që bëhet pjesë e bashkimit monetar. Letonia u bashkua me eurozonën më 1 janar 2014, pavarësisht se sondazhet treguan se shumica e popullsisë së vendit kundërshtuan këtë veprim dhe vetëm një e pesta u shpreh fuqishëm në favor të tij. Estonia u bashkua me bllokun e monedhës në 2011.


Kryeministri lituanez Algirdas Butkevicius ka tërhequr 10 € e tij të para nga bankomati pas mesnatës, më 1 janar. Kursi i këmbimit është vendosur 1 € për 3,45 Litas, monedha e vjetër e vendit. Ndërkohë, deri në qershor do të qarkullojnë të dyja monedhat Litas dhe Euro. “ Euro do shërbejë si një garanci për sigurinë tonë ekonomike dhe politike”,ka thënë Kryeministri në një ceremoni ku morën pjesë zyrtarë të shteteve të tjera Baltike - Estonisë dhe Letonisë.

Ndërkohë Ministri i Financave së Lituanisë, z.Rimantas Sadzius, u shpreh gjatë ceremonisë se: “Unë ashtu si shumë prej jush, ndjehem i trishtuar që monedha lituaneze, Litas, e cila ka shërbyer për më tepër se dy dekada, tashmë bëhet histori, por gjithsesi ne duhet të ecim përpara”.

Presidenti i mëparshëm i vendit Dalia Grybauskaite tha se bashkimi me eurozonën është simbol i "integrimit më të thellë ekonomik dhe politik me Perëndimin.".Megjithatë, jo të gjithë në Lituani ndanë optimizmin e Grybauskaite. Sipas një sondazhi të muajit nëntor zhvilluar nga Banka Qendrore, 53 % e popullsisë mbështesnin këtë veprim, ndërsa 39 % ishin kundër. Monedha e përbashkët mbetet një çështje përçarëse, pasi sondazhet tregojnë se gjysma e popullsisë prej 3 milion banorësh, ende nuk është e bindur se është një ide e mirë zëvëndësimi i monedhës kombëtare, Litas me atë europiane.
"Angazhimet financiare janë një ngarkesë e madhe dhe rritin borxhin e vendit. Unë mendoj se ne duhet të kishim vonuar hyrjen," tha analisti financiar Valdemaras Katkus.

Ndërkohë, Komisioni Evropian ka vënë një flamur të madh mbi selinë e saj në Bruksel, duke thënë "Mirë se vjen në zonën euro, Lituani!" Komisioneri për çështjet ekonomike të BE-së, Pierre Moskovici tha se në bashkimin me euro, populli lituanez "zgjedh për të qenë pjesë e një zone stabiliteti, sigurie dhe prosperiteti."

Guvernatori i Bankës Qendrore, Vitas Vasiliauskas ka theksuar gjithshtu rëndësinë e lëvizjeve gjeopolitike, e cila e vendos ish vendin sovjetik, brenda sferës ku është konceptuar Europa Perëndimore. Pavarësisht rritjes së tensioneve politike, norma e krediteve të Lituanisë është në një shkallë të mirë të investimeve, dhe agjensia e investimeve Fitch, parashikon rritjen e ekonomisë prej 3.5% në 2015, tre herë më shpejt se eurozona e marrë si e tërë.
                                                                                                                           EurActiv, janar 2015

  Kërko

  Axhenda

19 mars- BE-ja mban takimin me Këshillin për Stabilizim dhe Asocim të Maqedonisë së Veriut duke u fokusuar në marrëdhëniet bilaterale mes tyre. 
            - Këshilli për Çështjet e Përgjithshme diskuton për kornizën financiare për vitet 2021-2027 si dhe miratimin e një qëndrimi në rregulloren që përcakton instrumentin për ndihmën e para-anëtarësimit (IPA III). 
20 mars- Këshilltari i Lartë Michel Barnier dhe Kryenegociatori i BE-së për Brexit, De Rynck do të ndajnë pikëpamjet e tyre mbi statusin aktual Brexit si dhe pyetjet, shqetësimet që priten në të ardhmen.
            - Komiteti Europian Ekonomik dhe Social zhvillon seancën plenare me fokus "Dëgjimi i qytetarëve të Europës për një të ardhme të qëndrueshme si dhe "E ardhmja e BE-së: Përfitimet ndaj qytetarëve dhe respektimi i vlerave europiane".
22 mars -Organizohet konferenca e Varshavës “Vlerësimi i rolit të OJQ-ve në Këshillin e Europës”

  FJALOR

Komiteti Europian i Sindikatave për Arsimin (ETUCE)

ETUCE përfaqëson 132 Sindikata në 51 vende/shtete europiane, përfshirë këtu dhe Shqipërinë, dhe ka në total 11 milion persona - staf arsimor në të gjithë Europën. ETUCE është partneri social i mësuesve në nivel Europian dhe mbrojtës i interesave të tyre në Komisionin Europian. E themeluar më 1977, ETUCE është e përbërë nga sindikata kombëtare të mësuesve dhe personel të të gjitha fushave dhe niveleve të arsimit duke filluar nga edukimi i përgjithshëm, arsimi profesional dhe trajnimi, si dhe arsimi i lartë apo kërkimi shkencor.

  Na ndiqni ne:

facebook gplus twitter youtube1