E Diel, 22 Shtator 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Projektligj konservator i Polonisë për abortin

aborti poloniPolonia është gjendur në qendër të vëmendjes ditët e fundit por jo për një arsye të mirë. Shteti polak i anëtarësuar në BE në 2004, aktualisht ka një nga ligjet më te rrepta mbi abortin, duke e lejuar atë vetëm në tre rastet e mëposhtme kur:
1. shtatzania ka ardhur si pasojë e përdhunimit ose incestit,
2. jeta e nënës shtatzane është në rrezik,
3. kur fetusi është i dëmtuar,
dhe tashmë po bëhet gati të miratojë një legjislacion të ri, të propozuar nga Peshkopët e Kishës Katolike dhe të hartuar nga organizata Ordo Iuris, i cili e kthen abortin në një akt komplet të paligjshëm.

Kushdo që ndihmon në përfundimin e shtatzanisë do të konsiderohet si bashkëpunues dhe dënimi më i ulët do të jetë 3 vjet burgim për të dyja palët. Në bazë të rasteve specifike ky dënim mund të shkojë edhe deri në 8 apo 10 vjet burgim. Rrjedhimisht testimi prenatal edhe hapet e emergjencës do të konsiderohen edhe ato të jashtëligjshme pasi rrezikojnë ose pengojnë vijimin e shtatzanisë.

Peshkopët kanë patur edhe mbështetjen e disa politikanëve të niveleve të larta, siç është Kryeministrja Beata Szydlo, pasi edhe vetë Partia konservatore në fuqi ka lidhje të ngushta me Kishën. Kjo situatë ka sjellë pakënaqësi edhe protesta në rrugët e Varshavës, ku shoqëria civile ka kundërshtuar fuqishëm ketë legjislacion. Nuk ishin të pakët qytetarët që u larguan nga mesha e së dielës kur u lexua dekreti nga Peshkopi.

Mendohet se shtresa e ulët shoqërore do të jetë ajo e cila do të prekët më së shumti për shkak të mungesës së të ardhurave ekonomike. Vetëm të pasurit janë ata që e kanë të mundur për të udhëtuar jashtë vendit që të kryejnë një abort. Për më tepër, është theksuar nga protestuesit dhe gazetarët që parandalimi i abortit në ketë mënyrë do të detyrojë shumë vajza dhe gra të kërkojnë një zgjidhje të jashtëligjshme, që nuk është gjithmonë në ambjente me kushte të mira higjienike, duke sjellë si pasojë probleme shëndetësore shtesë por edhe rritje të kriminalitetit.

Një nga protestueset është shprehur për gazetën “The Independent” që tashmë ekziston një treg i fshehur, i cili të mundëson hape të tilla që përdoren për mjekime të mushkërive por në doza shumë të mëdha mund të parandalojnë një shtatzani të padëshiruar.

Të shumtë janë ata që mendojnë që Polonia ka bërë dy hapa mbrapa duke mbështetur një vendim të tillë, i karakterizuar si një vendim mesjetar që nuk i përket shekullit të 21-të, pasi cenon të drejtën për riprodhim të femrave.

Pas këtij vendimi janë vendosur pikëpyetje nëse Polonia vazhdon të jetë një vend absolutisht demokratik sepse është duke vepruar kundër dëshirës së pjesës më të madhe të popullsisë polake. Për më tepër, ky hap i fundit vërteton hipotezën që ekziston një krizë institucionale e brendshme ku Kisha ka një influencë të madhe në procesin e politikëbërjes të vendit. Asgjë nuk është zyrtarizuar ende, por mekanizmat për të miratuar projektligjin janë vënë në lëvizje.

                                                                                                                    The Independent, prill 2016

  Kërko

  Axhenda

Shtator 2019

18-19 shtator – Mbahet konferenca e nivelit të lartë nga Këshilli i BE-së mbi Ekonominë e Mirëqenies, me fokus dialogun ndër-sektorial për marrëdhëniet e dyanshme midis mirëqenies dhe ekonomisë.

18 shator – Presidenti i Komisionit, Juncker mban fjalën e tij në seancën plenare në Parlamentin Europian në lidhje me tërheqjen e Mbretërisë së Bashkuar nga BE.
– Këshilli i Europës zhvillon takimin me grupin e punës mbi migracionin.

17 shtator – Zhvillohet Samiti i Fondit të Infrastrukturës dhe Klimës që organizohet nga Banka Europiane e Investimeve.
– Zhvillohet seanca plenare e Parlamentit Europian për çështjet e punëve të jashtme në prani të Përfaqësueses së Lartë, Mogherini.

16 shtator – Zhvillohet konferenca për konkurrencën e BE në përputhje me programin e presidencës finlandeze të BE "Një Europë e Qëndrueshme - E ardhme e Qëndrueshme".
– Presidenti aktual i Komisionit Europian, Juncker pret në Luksemburg në një drekë pune kryeministrin e Mbretërisë së Bashkuar, Boris Jonhson.

 

  FJALOR

Këshilli Kërkimor Europian (KKE)

Krijuar nga Komisioni Europian në vitin 2007, bën pjesë në strukturën e Bashkimit Europian, Horizon 2020 që i dedikohet kërkimeve shkencore dhe inovacionit.
KKE është i përbërë nga Këshilli i Shkencëtarëve të Pavarur, instanca qeverisëse që përbëhet nga hulumtues shkencorë të dalluar për punën e tyre dhe Agjencia Ekzekutive, që ka për detyrë mbikëqyrjen e zbatimit të projekteve. Buxheti për KKE është vlerësuar të jetë 13 bilion euro për vitet 2014-2020 dhe bën pjese në buxhetin e financuar nga BE për Horizon 2020. Në synimet e këtij organizmi është finalizimi me sukses i projekteve të 42,000 grupeve kërkimore , duke përshirë 11,000 studentë doktorature dhe pothuajse 16,000 kërkues shkencorë, jo vetëm qytetarë të BE.

  Na ndiqni ne:

facebook gplus twitter youtube1