E Shtunë, 23 Mars 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Çfarë po ndodh me refugjatët sirianë në kampet greke?

I ftohti i acartë që ka goditur pjesën më të madhe të Euopës po ndihet5639 dhe nga refugjatët sirianë që ndodhen në kampet greke, sidomos ata që ndodhen në ishujt pranë Turqisë dhe në jug të Greqisë. Temperaturat në ishullin Lesbos kanë arritur pesë gradë nën zero ndërsa në Kretë nën katërmbëdhjetë. Por refugjatët e strehuar në këto ishuj po detyrohen t'i përballojnë këto temperatura ekstreme “në dëborë të hapur”.


Foto dhe video të postuara nga “Doctors of the World” tregojnë sesa e rënduar është situata dhe sesi refugjatët kalojnë natën nën çadra të mbuluara nga dëbora dhe pa ushqime. Organizata “Save the Children” ka deklaruar që kjo lënie e refugjatëve duke ngrirë për vdekje në dyert e Europës vjen nga mungesa e vullnetit politik që ka për ti zhvendosur këto persona në një vend tjetër të BE-së.

Por pavarësisht kësaj duket se BE-ja me një deklaratë të bërë së fundmi bën përgjegjëse për situatën e krijuar Greqinë. Zëdhënësja e BE Natasha Bertaud deklaroi se Unioni po bënte çdo gjë për të ndihmuar në situatën e krijuar, por “menaxhimi i kampeve dhe dhënia e ndihmave eshte në radhë të parë përgjegjësi e autoriteteve Greke”. Deri më tani nuk ka patur asnjë përgjigje nga pala Greke.

Kjo “akuzë” ndaj Greqisë deri diku nuk është e pabazuar. Statistikat e lëshuara nga vetë autoritetet greke të lënë të kuptosh që Greqia nuk po menaxhon siç duhet situatën e krijuar. Ndërkohë që kampet në ishujt Lesbos, Kos dhe Samos i kanë kaluar kuotat maksimale, kampet në brendësi të Greqisë si Polykastro, Orayokastro apo Softex janë në gjendje të akomodojnë një numër të konsiderueshëm personash. Vetë kryebashkiaku i Lesbos ka deklaruar për The Guardian që “një pjesë e refugjatëve duhen të zhvendosen ne kampet e tjera brenda në Greqi”.

Organizatat ndërkombëtare e shohin situatën e krijuar si një rezultat i politikave jo të mira të Unionit. Panos Navrozidis nga Komiteti Ndërkombëtar i Shpëtimit në Greqi deklaron “Ajo çka po shohim në këto ishuj është një manifestim i mënyrës sesi Unioni po dështon në mbrojten e dinjitetit të atyre që janë më të rrezikuar, ne kemi muaj që kemi paralajmëruar për një situatë të tillë por përsëri po përballemi me një situatë jetë a vdekje”.

Në shtator të 2015-ës, në të njëjtën kohë me paktin BE-Turqi, Unioni u zotua që të pranonte rreth 66 000 refugjatë nga Greqia që të shpërndaheshin nëpër vendet e tjera anëtare. Por sipas Komisionit, deri më sot vetëm 7,280 janë zhvendosur. Ky fakt mbase është një indicie që Unioni me politikat që po ndjek është dhe “faktori” kryesor për situatën e krijuar.

Ndërkohë që “armiku” numër një i refugjatëve për momëntin është i ftohti dhe dëbora, ata duhet të shqetësohen dhe për probleme të tjera. Përplasjet mes grupeve etnike, sulme nga ksenofobë të së djthtës ekstreme siç ishte rasti i sulmeve të mbështetësve të Agimit të Artë në shtator, dhe frustrimi brenda kampeve sjell tension akoma më të madh. Marrja e masave të menjëhershme si nga Greqia por kresisht nga BE-ja është një domosdoshmëri dhe çdo vonesë e mëtejshme do të ishte e pajustifikuar.
                                                                                                                   Stafi i EuroSpeak, janar 2017

  Kërko

  Axhenda

19 mars- BE-ja mban takimin me Këshillin për Stabilizim dhe Asocim të Maqedonisë së Veriut duke u fokusuar në marrëdhëniet bilaterale mes tyre. 
            - Këshilli për Çështjet e Përgjithshme diskuton për kornizën financiare për vitet 2021-2027 si dhe miratimin e një qëndrimi në rregulloren që përcakton instrumentin për ndihmën e para-anëtarësimit (IPA III). 
20 mars- Këshilltari i Lartë Michel Barnier dhe Kryenegociatori i BE-së për Brexit, De Rynck do të ndajnë pikëpamjet e tyre mbi statusin aktual Brexit si dhe pyetjet, shqetësimet që priten në të ardhmen.
            - Komiteti Europian Ekonomik dhe Social zhvillon seancën plenare me fokus "Dëgjimi i qytetarëve të Europës për një të ardhme të qëndrueshme si dhe "E ardhmja e BE-së: Përfitimet ndaj qytetarëve dhe respektimi i vlerave europiane".
22 mars -Organizohet konferenca e Varshavës “Vlerësimi i rolit të OJQ-ve në Këshillin e Europës”

  FJALOR

Komiteti Europian i Sindikatave për Arsimin (ETUCE)

ETUCE përfaqëson 132 Sindikata në 51 vende/shtete europiane, përfshirë këtu dhe Shqipërinë, dhe ka në total 11 milion persona - staf arsimor në të gjithë Europën. ETUCE është partneri social i mësuesve në nivel Europian dhe mbrojtës i interesave të tyre në Komisionin Europian. E themeluar më 1977, ETUCE është e përbërë nga sindikata kombëtare të mësuesve dhe personel të të gjitha fushave dhe niveleve të arsimit duke filluar nga edukimi i përgjithshëm, arsimi profesional dhe trajnimi, si dhe arsimi i lartë apo kërkimi shkencor.

  Na ndiqni ne:

facebook gplus twitter youtube1