E Hënë, 18 Mars 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Merkel 4.0

merkel 4.0Zgjedhjet federale të Gjermanisë në shtator 2018, rezultuan në fitoren e koalicionit CDU / CSU me 33% të votave elektorale. Megjithatë, kjo nënkuptonte se duhet të arrihej një koalicion i madh për të formuar një qeveri legjitime. Pas përpjekjeve fillestare të CDU / CSU për të formuar një koalicion të madh me të Gjelbrit dhe Demokratët e Lirë dështuan për shkak të mosmarrëveshjeve në çështjet e migracionit dhe politikës energjetike. Si përfundim,një marrëveshje koalicioni midis CDU / CSU dhe SPD u nënshkrua më 13 mars dhe u ratifikua në 14 mars. Sipas qeverisë së re, kancelari i vendit do të mbetet Merkel, duke i dhënë asaj një mandat të katërt si kancelare gjermane.


Kombinimi i ndryshimeve të brendshme, politike dhe ngjarjeve ndërkombëtare tentojnë të përshkruajnë një qasje të ndryshme nga qeveria e re gjermane, si ndaj politikave të brendshme ashtu dhe ndaj reformave të BE-së. Në sektorin ekonomik, investimet pritet të fokusohen në fushat e arsimit, infrastrukturës, shpërndarjes më efikase dhe më të barabartë të pasurisë, rrjeteve të internetit dhe reformave të pensioneve. Ekonomia gjermane mbetet më e forta në BE, me paga të larta të punonjësve. Por sektori i energjisë në vend është ende një fushë e cila varet shumë nga importe të jashtëm. Për shembull, varësia e Gjermanisë në furnizimin me gaz rus mbetet faktori kryesor që ndikon në marrëdhëniet gjermano-ruse në një mënyrë të pafavorshme për Gjermaninë. Pra, është e domosdoshme që strategjitë të reja dhe të pavarura të energjisë të zbatohen nga qeveria e re, pasi çështja e energjisë është jo vetëm e interesit ekonomik, por edhe e interesit gjeostrategjik.

Në fushën e emigracionit, reforma drastike pritet të ndërmerren nga qeveria e re. Pas vendimit të Merkelit në vitin 2015, për të lejuar hyrjen e refugjatëve në Gjermani, pasoja ishte rritja e popullaritetit dhe ndikimit të partisë së ekstremit të djathtë Alternativa për Gjermaninë (AfD). Qeveria e re synon të vendosë një limit për numrin e refugjatëve të pranuar, në 200,000 në vit. Kjo ishte një kërkesë e CSU në fushën e emigracionit. Horst Seehofer, ministri i ri i brendshëm gjerman, duke komentuar mbi politikën e re të emigracionit të qeverisë, pretendoi se "numri i dëbimeve duhet të rritet ndjeshëm". Merkel ka argumentuar se ndihmat ekonomike duhet të rriten në drejtim të vendeve të origjinës së refugjatëve me qëllim të rritjes së zhvillimit lokal dhe reduktimit të flukseve të migracionit. Ajo gjithashtu pret që vendet e tjera të BE do të pranojnë pjesën e tyre në kuotat e refugjatëve. Sidokoftë, vendet e Vishegradit (Hungaria, Polonia, Sllovakia dhe Republika Çeke) në shumë raste kanë shprehur kundërshtimin e tyre ndaj politikës së BE-së për shpërndarjen e refugjatëve në territorin e tyre.

Ndryshimet më të rëndësishme të politikës së qeverisë së re pritet të jenë të lidhura me BE. Fushat si siguria, nacionalizmi dhe politika e jashtme e BE pritet të jenë pika fokusi i strategjisë së re të BE të ndjekur nga Gjermania. Megjithatë, fakti është se Gjermania nuk mund të konsiderohet më si "udhëheqësi i padiskutueshëm" i Bashkimit Europian. Pas fitimit të jashtëzakonshëm të Macron në Francë dhe rezultateve dekurajuese të zgjedhjeve në Gjermani, është e qartë që tani e tutje do të ketë një bilanc pozitiv të pushtetit në BE midis Francës dhe Gjermanisë. Kështu, bashkëpunimi i ngushtë midis këtyre vendeve do të jetë thelbësor për suksesin e reformave të ardhshme të BE. Qeveria e re gjermane do të mbështesë krijimin e një Fondi Monetar Europian, i cili do të përdoret për të ofruar ndihmë financiare për vendet anëtare të BE-së në rastet e krizës ekonomike. Kjo është shumë e rëndësishme për parandalimin ose zbutjen e nje krize ekonomike në rajonin e BE-së, si ajo e vitit 2008. Olaf Scholz, zëvendës-kancelari i ri gjerman dhe ministri i financave, tha “..në partneritet të ngushtë me Francën, në mënyrë që euro të përballojë më mirë krizat globale ". Megjithatë, Gjermania ka kundërshtuar idenë e krijimit të një ministri të përbashkët financiar të BE-së, një propozim i presidentit francez Macron. Në lidhje me Politikën e Jashtme dhe të Mbrojtjes të BE-së, qeveria gjermane mbështet që do të rrisë kontributin financiar të Gjermanisë në buxhetin e BE-së, në një masë për shkak të daljes të Mbretërisë së Bashkuar nga BE.

Ngjarjet politike globale që po formësojnë marrëdhëniet ndërkombëtare do të kenë një ndikim të rëndësishëm në atë se si Gjermania e sheh qëndrimin e BE-së ndaj vendeve si SHBA, Rusia dhe Kina. Zgjedhja e Trump, tarifat të tregtisë mbi produktet e huaja propozuara nga ai, autoritarizmi i udhëheqësve politikë si Putini dhe Erdogani dhe ndikimi i fortë ekonomik i Kinës shihen si faktorë që do të formësojnë politiken e jashtme të BE. BE-ja duhet të ketë një strategji të vetme dhe të përbashkët për t'u përballur në mënyrë adekuate me këto sfida. "Në një botë që po bëhet më komplekse është thelbësore që europianët të bashkohen" (Olaf Scholz).

                                                                                                                         Stafi i Eurospeak, mars 2018

  Kërko

  Axhenda

19 mars- BE-ja mban takimin me Këshillin për Stabilizim dhe Asocim të Maqedonisë së Veriut duke u fokusuar në marrëdhëniet bilaterale mes tyre. 
            - Këshilli për Çështjet e Përgjithshme diskuton për kornizën financiare për vitet 2021-2027 si dhe miratimin e një qëndrimi në rregulloren që përcakton instrumentin për ndihmën e para-anëtarësimit (IPA III). 
20 mars- Këshilltari i Lartë Michel Barnier dhe Kryenegociatori i BE-së për Brexit, De Rynck do të ndajnë pikëpamjet e tyre mbi statusin aktual Brexit si dhe pyetjet, shqetësimet që priten në të ardhmen.
            - Komiteti Europian Ekonomik dhe Social zhvillon seancën plenare me fokus "Dëgjimi i qytetarëve të Europës për një të ardhme të qëndrueshme si dhe "E ardhmja e BE-së: Përfitimet ndaj qytetarëve dhe respektimi i vlerave europiane".
22 mars -Organizohet konferenca e Varshavës “Vlerësimi i rolit të OJQ-ve në Këshillin e Europës”

  FJALOR

Komiteti Europian i Sindikatave për Arsimin (ETUCE)

ETUCE përfaqëson 132 Sindikata në 51 vende/shtete europiane, përfshirë këtu dhe Shqipërinë, dhe ka në total 11 milion persona - staf arsimor në të gjithë Europën. ETUCE është partneri social i mësuesve në nivel Europian dhe mbrojtës i interesave të tyre në Komisionin Europian. E themeluar më 1977, ETUCE është e përbërë nga sindikata kombëtare të mësuesve dhe personel të të gjitha fushave dhe niveleve të arsimit duke filluar nga edukimi i përgjithshëm, arsimi profesional dhe trajnimi, si dhe arsimi i lartë apo kërkimi shkencor.

  Na ndiqni ne:

facebook gplus twitter youtube1