E Mërkurë, 11 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Parlamenti i BE-së bllokon faqe internetit

c28ade9337b83e44f4d558363d985e54Bllokimi i faqeve të internetit është diçka që njerëzit zakonisht e lidhin me regjimet autoritare në Kinë apo Iran, sesa me Bashkimin Europian. Megjithatë stafi në Parlamentin Europian, kur u përpoq të kishte akses mbi link-et dhe të rejat e fundit të publikuara tek Reddit mori këtë mesazh,: "E kemi bllokuar këtë faqe interneti për t’ju mbrojtur juve."


"Kjo faqe interneti është e njohur për shpërndarjen e malware (programe që kanë për qëllim të dëmtojnë ose të çaktivizojnë kompjuterat dhe sistemet kompjuterike) ose është pjesë e një incidenti të sigurisë ose kërcënimi kibernetik, siç raportohet nga Ekipi i Reagimit Emergjent Kompjuterik (CERT). Ky nuk është një mesazh i gabuar. Ne e kemi bllokuar qëllimisht këtë faqe interneti në mënyrë që ju të mos dëmtoheni , " thuhet në mesazhin e PE-së.

Pas një numri të madh mesazhesh dhe mbi 500 komentesh në faqen e internetit të  Reddit, Departamenti i Teknologjisë së Informacionit të Parlamentit Europian hoqi ndalimin dhe pranoi se zgjodhi të "gabojë në anën e duhur" dhe të bllokojë të gjitha faqet e internetit të cilat janë përmendur nga CERT.

Reddit "u bllokua në një moment sepse ishte përfshirë në listën e faqeve të njohura për shpërndarjen e malware. Kjo listë e faqeve mirëmbahet nga CERT-BE (Ekipi i Reagimit Emergjent Kompjuterik i Institucioneve Europiane). Për fat të keq, unë nuk kam informacion lidhur me faktin se si reddit.com përfundoi i pari në listë," shkroi për Reddit, Joost De Cock nga departamenti mbështetës teknik i parlamentit. Ai shtoi se "kur një nga përdoruesit tanë ngre një çështje për një faqe që është bllokuar, ne merremi me çështjen. Nëse faqja është e ligjshme, ne e zhbllokojmë atë."

Ndërkohë, një kontakt nga CERT-BE është shprehur  për këtë faqe interneti  se Reddit është pjesë e listës për shkak se kompjuterat e Apple tashmë të infektuar me një virus të quajtur Mac.BackDoor.iWorm po aksesoheshin në distancë përmes një funksioni kërkimi në Reddit. Por "nuk ishte Reddit ai që shpërndante malware," shkroi në një e-mail Didzis Abolins nga CERT-BE.

"Çdo organizatë merr vendimet e veta nëse do t’i  monitorojë ose do t’i bllokojë disa burime," shtoi Abolins.
Komisioni Europian, Këshilli i BE-së dhe Shërbimit Diplomatik i Bllokut (EEAS), të cilët u hakuan në të kaluarën dhe të cilat janë gjithashtu të kujdesshëm lidhur me incidentet e mëtejshme të sigurisë në internet, nuk e kanë bllokuar Reddit.

Ndërsa nga ana e tij, Florian Walther, një ekspert për sigurinë në internet me qendër në Berlin, u shpreh se PE reagoi më shumë seç duhet për këtë faqe interneti. "Kur një malware po përdor Google për të gjetur çfarëdolloj gjëje, atëherë i bie që ata ndoshta kanë synim ta bllokojnë Google –in ?!? Kjo nuk është një qasje e mirë." Ai u shpreh se një "ekip profesional anti-malware" do t’i kishte kërkuar Reddit listën e serverave të përdorura për të kontrolluar kompjuterët e infektuar ", në këtë mënyrë jeni 100% të sigurtë, ndërkohë që nuk keni efekte anësore".

Një zëdhënëse për Parlamentin Europian tha për EUobserver se bllokimi i faqeve ndodh "rregullisht" kur këto "kërcënime të mundshme" janë të shënuara diku, dhe se në të kaluarën edhe faqja e internetit të BBC u bllokua përkohësisht.

Por, Luigi Auriemma – eksperti për sigurinë e rrjetit në Maltë gjithashtu tha se bllokimi i faqeve "nuk është një zgjidhje e vërtetë. Kjo është thjesht një mënyrë përpjekjeje për të kufizuar çështjet aktuale dhe të mëtejshme për përdoruesit në rrjetin e brendshëm,  bazuar në informacionin publik që arrin atëherë kur është shumë vonë.

                                                                                                                           EUObserver, tetor 2014

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1