E Diel, 22 Shtator 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Skandali i Volkswagen: A po i mbron BE qytetarët e saj nga dëmi i shkaktuar?

VolswagenVolkswagen, gjiganti i automobilizmit gjerman, është shpallur fajtor nga një gjykatë federale në Detroit më 10 mars, për mashtrim, shkelje të Aktit mbi Ndotjen e Ambjentit dhe thyerje të ligjeve mbi importin. Por Volkswagen akoma kundërshton vendimin për të kompensuar pronarët e automjeteve në Europë duke argumentuar se një “riparim teknik” mjafton për t’i bërë makinat në përputhje me standardet. Kjo çështje është sjellë në vëmendje dhe nga Komisioni Europian por asgjë nuk është bërë deri më tani.

Në marrëveshjen e bërë me SHBA-në, kompania ka rënë dakort që të paguajë një shumë prej 2.8 bilion $si gjobë penale dhe 1.5 bilion $ për atë civile. Por Volkswagen nuk do mund të mjaftohet me kaq duke qenë se do duhet të paguajë konsumatorët, rregullatorët, ndërmjetësit si dhe prokurorët për një shumë ekstra rreth 20$ bilion $-një dëm serioz për kompaninë, por jo fatal.

Komisioni Europian pas këtyre ngjarjeve ka treguar iniciativë përsa i përket përmirësimit të ligjit të BE-së në lidhje me skandalin e Volkswagen, por akoma nuk është arritur diçka konkrete. Komisionerja e Industrisë, Elizabieta Bienkowska në janarin e vitit të kaluar propozoi një reformë në lidhje me mënyrën sesi automjetet aprovohen për përdorim në Union. Por ajo nuk e lidhi me Volkswagen propozimin e kësaj reforme duke deklaruar që : “ Më lini të jem e qartë. Kjo nuk është vetëm për Volkswagen. Ka një dështim sistematik në sistemin e aprovimit të llojit në Europë”.

Gjithsesi, Këshilli nuk ka arritur akoma asnjë konkluzion final për këtë çështjë. Një nga mosmarrëveshjet mes vendeve anëtare ka qenë në lidhje me pranimin apo jo të propozimit të Këshillit, në lidhje me forcimin e kontrollit të vendeve anëtare. Sistemi Europian nuk ka qenë në gjendje të mbrojë konsumatorëte tij, ndryshe nga Shtetet e Bashkuara ku Volkswagen është detyruar të paguajë 25 bilion $.

Duhet theksuar që modifikimi që duhet t’i bëhet ligjit të BE-së nuk është jetik vetëm për qytetarët e BE-së që përdorin makina, por dhe për të tjerët pasi pritet që të reduktojë ndotjen e ajrit.

27 vendet anëtare po planifikojnë që të ndërmarrin veprime të përbashkëta kundër Volkswagen me argumentimin qëpajisjet e përdorura nga kompania gjermane janë në kundërshtim me ligjin e Unionit. Vera Jorova, Komisionere e Drejtësisë ka inkurajuar autoritetet që të mbrojnë konsumatorët europianë me çdo kusht dhe ti mbështetin ata deri në zgjidhjen e situatës. Pavarësisht nga kjo nismë e komisioneres, duhet kujtuar që Komisioni si institucion nuk mund të ngrejë padi kundër Volkswagen.

Mundësitë që pronarët e makinave në BE të kompensohen financiarisht janë relativisht të pakta, duke marrë në konsideratë dhe mangësitë që ka ligji i BE-së. Megjithatë, kjo situatë nuk do të kalojë pa u ndërmarrë asnjë veprim dhe është e qartë që Volkswagen do të përballet me procese gjyqësore të gjata dhe të vështira

                                                                                                                       European Sting, mars 2017

 

  Kërko

  Axhenda

Shtator 2019

18-19 shtator – Mbahet konferenca e nivelit të lartë nga Këshilli i BE-së mbi Ekonominë e Mirëqenies, me fokus dialogun ndër-sektorial për marrëdhëniet e dyanshme midis mirëqenies dhe ekonomisë.

18 shator – Presidenti i Komisionit, Juncker mban fjalën e tij në seancën plenare në Parlamentin Europian në lidhje me tërheqjen e Mbretërisë së Bashkuar nga BE.
– Këshilli i Europës zhvillon takimin me grupin e punës mbi migracionin.

17 shtator – Zhvillohet Samiti i Fondit të Infrastrukturës dhe Klimës që organizohet nga Banka Europiane e Investimeve.
– Zhvillohet seanca plenare e Parlamentit Europian për çështjet e punëve të jashtme në prani të Përfaqësueses së Lartë, Mogherini.

16 shtator – Zhvillohet konferenca për konkurrencën e BE në përputhje me programin e presidencës finlandeze të BE "Një Europë e Qëndrueshme - E ardhme e Qëndrueshme".
– Presidenti aktual i Komisionit Europian, Juncker pret në Luksemburg në një drekë pune kryeministrin e Mbretërisë së Bashkuar, Boris Jonhson.

 

  FJALOR

Këshilli Kërkimor Europian (KKE)

Krijuar nga Komisioni Europian në vitin 2007, bën pjesë në strukturën e Bashkimit Europian, Horizon 2020 që i dedikohet kërkimeve shkencore dhe inovacionit.
KKE është i përbërë nga Këshilli i Shkencëtarëve të Pavarur, instanca qeverisëse që përbëhet nga hulumtues shkencorë të dalluar për punën e tyre dhe Agjencia Ekzekutive, që ka për detyrë mbikëqyrjen e zbatimit të projekteve. Buxheti për KKE është vlerësuar të jetë 13 bilion euro për vitet 2014-2020 dhe bën pjese në buxhetin e financuar nga BE për Horizon 2020. Në synimet e këtij organizmi është finalizimi me sukses i projekteve të 42,000 grupeve kërkimore , duke përshirë 11,000 studentë doktorature dhe pothuajse 16,000 kërkues shkencorë, jo vetëm qytetarë të BE.

  Na ndiqni ne:

facebook gplus twitter youtube1