E Shtunë, 23 Mars 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Udhëzimi mbi etiketimin lëkund marrëdhëniet BE-Izrael

israeliKomisioni Europian, më 11 nëntor 2015 miratoi disa udhëzime ligjore interpretuese duke plotësuar kërkesën e bërë në 2012, nga shtetet anëtare për të qartësuar etiketimin e produkteve të prodhuara në territoret e pushtuara nga Izraeli. Ky udhëzim nuk përbën një ligj të ri, por thjesht interpreton ligjin ekzistues të BE-së, mbi përcaktimin e vendeve të origjinës për produktet që vijnë nga kolonitë e Izraelit të pushtuara në qershor të vitit 1967, të cilat duhet të etiketohen jo thjesht si “të prodhuara në Izrael”, por si “produkte nga Lartësirat e Golanit (koloni e Izraelit)” apo “produkte nga Bregu Perëndimor (koloni e Izraelit)”.

Shënimi, sipas Komisionit Europian ka për qëllim thjesht të qartësojë dhe të sigurojë transparencë, pasi përcaktimi i origjinës për produktet është i detyrueshëm dhe duhet të jetë i saktë dhe jo çorientues për konsumatorin. Kjo është e rëndësishme sidomos kur ky informacion ndikon në vendimet e qytetarëve për ta blerë apo jo produktin. Por për shkak të këtij shënimi qartësues bërë nga Komisioni Europian, kanë ardhur reagime të ndryshme nga aktorët e përfshirë në këtë situatë; ndërkohë që përfaqësuesit e BE-së e kanë vlerësuar thjesht si një çështje teknike, përfaqësuesit e Izraelit e kanë kthyer atë në një çështje të nxehtë politike. Gjithashtu nuk kanë mbetur pa reaguar dhe një grup senatorësh amerikanë.

Një procedurë teknike

Sipas BE-së ky qartësim u realizua thjesht për arsye të zbatimit të ligjit ekzistues të BE-së dhe për sigurimin e transparencës së informacionit dërguar konsumatorëve, për të bërë dallimin mes prodhimeve të Bregut Perëndimor nga Palestina dhe ato nga zonat e pushtuara izraelite, duke theksuar se nuk është një bojkotim ndaj prodhimeve të Izraelit por thjesht një mënyrë për të ndihmuar vendet anëtare të zbatojnë ligjin europian. Nga ana tjetër, vendet e BE-së si Mbretëria e Bashkuar, Danimarka dhe Belgjika i kanë vendosur këto udhëzime më parë dhe i zbatojnë me përpikëri ato. Për BE-në, Izraeli mbetet një shtet partner në tregti pasi vetëm për vitin 2014, BE ka importuar nga Izraeli rreth 13 bilion € produkte dhe ka eksportuar rreth 17 bilion €, duke nënvizuar faktin që produktet nga pjesët e pushtuara izraelite zënë një pjesë fare të vogël të këtyre prodhimeve, çka nënkupton që dhe ndikimi ekonomik nga shitja e tyre nuk është i madh.

Diskriminim dhe trajtim i ngjashëm me atë nazist

Kjo lëvizje e Komisionit Europian nuk është pritur aspak mirë nga zyrtarët më të lartë izraelitë, të cilët kanë pezulluar përkohësisht takimet me homologët europianë. Madje në qëndrimin zyrtar të Ministrisë së Jashtme u ndjenë nota të ashpra dhe kritike duke e cilësuar si “diskriminuese” këtë zgjedhje. “BE ka zgjedhur, për arsye politike të marrë një hap të tillë diskriminues dhe të pazakontë, frymëzuar nga një lëvizje bojkotomi, në një moment ku Izraeli po përballet me një valë terrorizmi mbi të gjithë qytetarët e tij”. Ministri i Jashtëm i sugjeroi BE-së me ironi që për dallimin e këtyre produkteve, mund të përdoret simboli i yllit të ngjashëm me atë që hebrenjtë ishin të detyruar ta mbanin gjatë regjimit nazist. Kundërpërgjigja e Izraelit ndaj këtij bojkotimi është mospërfshirja në çështjet që prekin Lindjen e Mesme, të drejtat e njeriut dhe zgjidhjen e krizës, dhe gjithashtu ata janë shprehur se kjo mund të sjellë implikime në marrëdhëniet Izrael-BE. Edhe Ministrja e Drejtësisë Izraelite me indinjatë i ka vlerësuar këto vendime si “anti-Izrael”, ku urrejtja dhe hipokrizia e Europës ndaj Izraelit ka kaluar çdo cak, dhe sipas saj është interesante që BE nuk etiketon në të njëjtën mënyrë edhe produktet që vijnë nga Saharaja Perëndimore apo nga Qipro Verior, duke nënkuptuar kështu që BE pavarësisht se në botë ka shumë kriza të tilla vendos të ‘sulmojë’ vetëm Izraelin. Ndërsa për Kryeministrin, Benjamin Netanyahu ky trajtim i BE-së sjell kujtime të errëta, pasi nuk ndryshon nga trajtimi nazist kundër bizneseve hebreje dhe për këtë Europa duhet të ketë turp.

Letër drejtuar BE-së në mbështetje të Izraelit

Situata e krijuar midis Izraelit dhe Bashkimit Europian, nuk kaloi pa u vënë re edhe nga partneri i tyre i ngushtë Shtetet e Bashkuara të Amerikës, ku 36 senatorë amerikanë, republikanë por edhe demokratë, firmosën një letër dërguar Federica Mogherinit duke shprehur shqetësimin se kjo mënyrë etiketimi, do të sillte një “bojkotim de facto të Izraelit” pasi do të demotivojë konsumatorët europianë të blejnë produkte të prodhuara nga territoret e pushtuara nga ky vend. Nuk është momenti i duhur, sipas tyre, që BE të vendosë kushte të tilla dhe një presion kaq të madh diplomatik dhe ekonomik ndaj Izraelit. Ky propozim nuk promovon një zgjidhje për krizën Izrael – Palestinë, por thjesht delegjitimizon më tepër Izraelin dhe e dëmton atë.

Me situatën e krijuar është me rëndësi të vërehet se si do të vazhdojnë marrëdhëniet mes Izraelit dhe Bashkimit Europian, dhe çfarë efekti do të ketë zbatimi i këtij etiketimi për ekonominë izraelite por edhe për zgjedhjet e konsumatorëve europianë. Ndërkohë që Bashkimi Europian mbron tezën e zbatimit të ligjit europian, ashtu si dhe respektimit të ligjit ndërkombëtar, Izraeli e ka vlerësuar atë si një teknikë diskriminuese vetëm ndaj Izraelit pasi në raste analoge BE nuk ka ndërmarrë një veprim të tillë.

Stafi i Eurospeak, nëntor 2015

  Kërko

  Axhenda

19 mars- BE-ja mban takimin me Këshillin për Stabilizim dhe Asocim të Maqedonisë së Veriut duke u fokusuar në marrëdhëniet bilaterale mes tyre. 
            - Këshilli për Çështjet e Përgjithshme diskuton për kornizën financiare për vitet 2021-2027 si dhe miratimin e një qëndrimi në rregulloren që përcakton instrumentin për ndihmën e para-anëtarësimit (IPA III). 
20 mars- Këshilltari i Lartë Michel Barnier dhe Kryenegociatori i BE-së për Brexit, De Rynck do të ndajnë pikëpamjet e tyre mbi statusin aktual Brexit si dhe pyetjet, shqetësimet që priten në të ardhmen.
            - Komiteti Europian Ekonomik dhe Social zhvillon seancën plenare me fokus "Dëgjimi i qytetarëve të Europës për një të ardhme të qëndrueshme si dhe "E ardhmja e BE-së: Përfitimet ndaj qytetarëve dhe respektimi i vlerave europiane".
22 mars -Organizohet konferenca e Varshavës “Vlerësimi i rolit të OJQ-ve në Këshillin e Europës”

  FJALOR

Komiteti Europian i Sindikatave për Arsimin (ETUCE)

ETUCE përfaqëson 132 Sindikata në 51 vende/shtete europiane, përfshirë këtu dhe Shqipërinë, dhe ka në total 11 milion persona - staf arsimor në të gjithë Europën. ETUCE është partneri social i mësuesve në nivel Europian dhe mbrojtës i interesave të tyre në Komisionin Europian. E themeluar më 1977, ETUCE është e përbërë nga sindikata kombëtare të mësuesve dhe personel të të gjitha fushave dhe niveleve të arsimit duke filluar nga edukimi i përgjithshëm, arsimi profesional dhe trajnimi, si dhe arsimi i lartë apo kërkimi shkencor.

  Na ndiqni ne:

facebook gplus twitter youtube1