Gjykata Europiane e Drejtësisë (GjED) me seli në Luksemburg është gjykata më e lartë e BE-së, ajo është krijuar në vitin 1952 me Traktatin e Komunitetit Europian të Qymyrit dhe Çelikut. Detyrë e saj është të sigurojë që legjislacioni komunitar të interpretohet dhe të zbatohet në mënyrë uniforme në të gjitha shtetet anëtare. Gjithashtu, Gjykata ka pushtetin e zgjidhjes së mosmarrëveshjeve gjyqësore ndërmjet shteteve anëtare, institucioneve të Bashkimit Europian, personave fizikë dhe juridikë. Gjykata është e përberë nga një gjyqtar prej secilit shtet anëtar, duke siguruar, në këtë mënyre, përfaqësimin e sistemeve ligjore të të gjithë shteteve anëtare të BE-se. Për ta ndihmuar Gjykatën Europiane të Drejtësisë për të zgjidhur numrin e madh të çështjeve që shtrohen përpara saj, si dhe për t’u siguruar një mbrojtje më të mirë ligjore qytetarëve të Bashkimit Europian, në vitin 1989 u krijua “Gjykata e Shkallës së Parë”.  Kjo gjykatë është përgjegjëse për zgjidhjen e një numri të caktuar çështjesh, në mënyre të veçantë të atyre që paraqiten nga individët dhe çështjet që kanë të bëjnë më raste të konkurrencës së pandershme midis kompanive.