"Çdo gjë është bërë për të siguruar që dosja e çështjes së klimës të mos jetë një prioritet i lartë i Presidentit të ri të Këshillit Europian. Kredibiliteti i tij së shpejti do të mund të vihet në pikëpyetje", siguroi  një specialist. Konferenca për Ndryshimet Klimatike që ai organizoi në Varshavë në vitin 2013 ishte një dështim. Polonia gjeneron 90% të elektricitetit nga qymyri dhe shkarkimi i saj karbonik për frymë vazhdon të rritet. Ky nuk është një imazh i mirë për BE-në, së cilës  i pëlqen që ta tregojë veten si një udhëheqëse botërore në ndryshimin e klimës.

Bashkimi Energjitik kundrejt zotimeve për klimën

Polonia vazhdon të shtyjë nënshkrimin e angazhimeve të përbashkëta për fazën e mëtejshme të paketës: cilat emetime të CO2 të reduktojë deri në vitin 2030, dhe çfarë të miratojë për vitin 2050. Vonesa nuk ka qenë konstruktive, dhe tani është urgjente që BE-ja të përcaktojë qëndrimin e vet të përbashkët. Ajo po bën thirrje për krijimin e një Bashkimi Europian të Energjisë, me një organ qendror blerës të gazit, i cili do të veprojë në të njëjtën mënyrë si ECSC e vjetër, Komuniteti Europian i Qymyrit dhe Çelikut, i formuar në vitin 1954.

Polonia po përpiqet të ndikojë në diskutim, në shkëmbim të disa koncesioneve, në mënyrë që të jetë e përgatitur të nënshkruajë një objektiv ambicioz për të reduktuar emetimet e CO2 me 40% deri në vitin 2030, në këmbim të koncesioneve gjetkë.
Aurélie Faure, një studiues në Institutin Francez të Marrëdhënieve Ndërkombëtare, thotë se "Polonia dhe vendet e tjera Lindore kanë qenë gjithmonë shumë të palëkundura në çështjet klimatike, dhe kanë rezistuar të bëjnë kalimin në burimet e rinovueshme". Kjo është mënyra që Polonia të mund të marrë koncesione nga pjesa tjetër e BE-së.

Një strategji me shumë faqe

Kreu i Klimës dhe Energjisë në WWF, Pierre Cannet beson se nëse shtetet anëtare janë të vendosura për çështjen e ndryshimeve klimatike, nuk do të ketë asnjë problem për ta bërë çështjen pjesë të agjendës. Por ata duhet të kujdesen që të mos fshihen pas një njeriu. BE-ja punon në mënyra komplekse dhe secili vend duhet të marrë pjesën e tij të përgjegjësisë.

Blerja e përbashkët e gazit

Çështja e Energjisë së Bashkimit Europian pa dyshim që do të shfaqet si një nga produktet kryesore të një marrëveshjeje të klimës. Organi qendror blerës i gazit përbën shtyllën kurrizore të propozimeve të Tusk-ut. "Një organ i gjerë i BE-së për blerjen e gazit do të rrezikonte tërësisht shkeljen e rregullave të tregtisë ndërkombëtare dhe OBT-së. Pra, kjo është më shumë një kërcënim politik sesa një koncept që mund të ketë pasoja të prekshme për kontratat sipas ligjit privat," thekson Aurélie Faure.

Fakti se punët kryesore të Europës kanë shkuar kryesisht në vendet që mbështeten në gazin rus, si Gjermania, e cila mban Kryesinë e Parlamentit Europian, Italia, e cila mban postin e Përfaqësuesit të Lartë për Punët e Jashtme, dhe Polonia, me Presidentin e ri të Këshillit Europian, mund të sjellë që Bashkimi për Energjinë të fitojë përparësi mbi çështjet e klimës,  në 5 vitet e ardhshme.
                                                                                                                              EurActiv, shtator 2014