Zonja Sylive Goulard ka lindur në Grasi, Marsejë në 6 dhjetor 1964. Po në të njëjtin vend ka kryer shkollën fillore dhe gjimnazin. Pasi studioi për Drejtësi në Universitetin e Marsejës, shkoi në Paris për të ndjekur studimet në “Institutin e Studimeve Politike” dhe në “Shkollën Nacionale të Administrimit” për promovimin e lirisë, barazisë dhe vëllazërisë në vitin 1989. Midis viteve 2005 dhe 2009 ka dhënë leksione në Kolegjin e Europës në Bruzh. Znj. Goluard zotëron në mënyrë të rrjedhshme tre gjuhë të huaja Anglisht, Gjermanisht dhe Italisht. Karrierën poltike e nisi rreth viteve ’90, kur ishte pjesë e Departamentit Ligjor në Ministrinë e Jashtme. Pikërisht në këtë kohë Sylvie u bë pjesë e ekipit francez të negociimit për ribashkimin e Gjermanisë, eksperiencë të cilën e shfrytëzoi për të praktikuar njohuritë e saj për ligjin ndërkombëtar dhe atë europian. Karriera politike vazhdon në Këshillin e Shtetit dhe më pas si përgjegjëse për Marrëdhëniet me Europën përsëri në Ministrinë e Jashtme.

Kontakti i parë i drejtpërdrejtë me institucionet e BE do të ishte në vitin 2001, kohë kur Znj. Goulard u zgjodh si këshilluese politike e Presidentit të Komisionit Europian, z. Romano Prodi, gjatë gjithë mandatit 4-vjeçar të Presidencës. Gjatë kësaj kohe puna e Sylvie u fokusua në vazhdimin e integrimit Europian. Ajo ishte e idesë se qytetarët e Europës duhet të jenë me aktivë dhe më të informuar për çështjet që prekin të ardhmen e tyre. Dy vjet më vonë, nga 2006-2010, duket se karriera e saj mori një rrjedhë tjetër, duke u përfshirë në fushën e shoqërisë civile pasi u zgjodh Presidente e Lëvizjes Europiane të Francës, një prej organizatave të para në mbështetje të parimeve demokratike dhe barazisë duke vazhduar kështu punën e saj me fokus zhvillimin e BE-së dhe parimeve dhe vlerave të saj. Lëvizja Europiane e Francës (EMF) është pjesë e rrjetit të gjerë të Lëvisjes Europiane Ndërkombëtare (EMI). E themeluar rreth 70 vjet më parë EMI është përkrahëse e fortë e BE-së dhe synon të lehtësojë dhe inkruajojë pjesëmarrjen aktive të qytetarëve nga sektor të ndryshëm për të zgjidhur vështirësi të ndryshme, qe vijnë si pasojë e zhvillimit. Si pjesë e rrjetit EMF kërkon të zhvillojë debatin midis qytatarëve të saj për efikasitetin e institucioneve të BE. Në kuadër të kësaj nisme ajo organizon aktivitete të ndryshme si: takime me qytetarët, prezantime nëpër shkolla, evente kulturore dhe publikime eduaktive.

Ishte viti 2009 që do t’i jepte një shtysë të madhe karrierës së saj poltike, duke u zgjedhur si Eurodeputete në Parlamentin Europian për dy mandate rresht, 2009-2017. Sylvie gjatë kohës si Europdeputete ishte pjesë e gurpit parlamentar të Aleancës së Liberalëve dhe Demokatëve të Europës, duke mbajtur dhe postin e koordinatores së këtij grupi. Si pjesë e parlamentit Sylvie u zgjodh anëtare e Komitetit për Ekonominë dhe Çështjet Monetare si dhe zëvendësuese në Komitetin për Çështjet Kushtetuese. Gjithashtu gjatë së njëjtës periudhë shërbeu si Kryetare e Grupit të Parlamentit Europian për “Varfëri Ekstreme dhe të Drejtat e Njeiut”. Në të njëjtën periudhë kohore Znj. Goulard së bashku me eurodeputetë të tjerë themeluan grupin federalist ndërparlamentar “Spinelli”. Ky grup synon të injektojë një frymë federalise në politikën dhe vendimmarrjen e BE-së. Grupi “Spinelli” u bën thirrje eurodeputetëve dhe personaliteteve të BE që të krijojnë një grupim njerëzish, të cilët vendosin interesin europian mbi interesin nacionalist. Qëllimi i këtij grupi është të krijojnë një rrejt qytetarësh, politikanësh, akademikësh, shkrimtarësh të bindur se është koha që Europa të lëvizë përpara.
                                                                                                                       Stafi EuroSpeak, maj 2017