Për këtë grup aktivistësh ndër çastet vendimtare të historisë së shek. XX janë Aushvic-i simbol i krimeve të kryera në Gjermani nga nazistët dhe Srebrenica, si simbol i krimit më të madh në territorin e Europës pas Luftës së Dytë Botërore dhe si simbol i të gjitha krimeve serbe. Gjatë vendosjes së memorialit, aktivistët mbanin në duar banera me sloganin : “20 vjet që nga genocidi i Srebrenicës. Ne mbajmë mend”, duke kërkuar një shkëputje serioze nga trashëgimia e 1990, më e vështira prej të cilave për ta mbetet genocidi në Srebrenicë.

Qeveria e Beogradit nuk është dakord që vrasjet në masë të boshnjakëve nga forcat serbe të Bosnjës,të konsiderohen genocid. Në 2010 parlamenti serb miratoi një rezolutë e cila dënon vrasjet në Srebrenicë, por që nuk i konsideroi ato si genocid.

“Gratë me të zeza” dhe OJQ të tjera të të Drejtave të Njeriut janë përpjekur të rrisin ndërgjegjësimin dhe u kanë kërkuar njerëzve t’u bashkohen aksionit të quajtur #7000, i cila ka për qëllim që në mënyrë simbolike të mbledhë 7000 njerëz përpara Asamblesë Kombëtare në Beograd. Po ashtu OJQ-të serbe i kanë kërkuar përfaqësuesëve të parlamentit dhe të vetë qeverisë serbe të marrin pjesë në këtë event .

Gjithsesi iniciuesi i fushatës #7000, gazetari serb Dusan Masic ka thënë se ai ka marrë kërcënime nga njerëz të inatosur nga kjo iniciativë. Ndërkohë anëtarë të Partisë Radikale Serbe kanë deklaruar se edhe ata do të mbajnë në të njëjtën kohë tubimet e tyre.
                                                                                                                       BalkanInsight, korrik 2015